赛丽娜，香港女模特兒同演員，2008年憑七海健絡電視廣告開始畀觀眾留意，嗰時有花名叫「翻版楊恭如」，不過之後淡出模特兒界，近年好似修讀一啲演戲課程，直到2016年喺viuTV處境劇《三一如三》嘅演出，先至再畀觀眾留意。楊礎鴻本身喺一間私立設計學校讀平面設計高級文憑課程，之後升讀香港城市大學專上學院傳意設計學士。楊礎鴻16歲（2002年）就去佢表姐嘅模特兒公司試鏡，開始做模特兒，之後曾經加入JamCast模特兒公司，拍過一啲廣告。當中代表作係2008年嘅七海健絡電視廣告，入面惡搞著名流行歌《天各一方》嘅獨白，令觀眾印象深刻。約莫2015年，楊礎鴻改用「賽麗娜」呢個藝名，並且2016年第一次參演電視劇，喺香港電視娛樂viuTV處境劇《三一如三》客串一集單元角色，飾演一位曾經同男主角陳安立有過師生戀嘅後生女miss。由於題材比較大膽，加埋戲入面佢著住黑絲襪嘅形象，令唔少觀眾留意佢。皆因佢嘅演出受觀眾歡迎，佢個角色由客串變成正式。